極低能!以為溪水有神秘能量 實情係…

人到咁上下年紀,對於一切有治療功效嘅事物,都會特別留意。

甚至唔理有冇科學根據……

你睇吓屋企阿爸阿媽嗰啲無用保健品就知。

 

喺韓國,有街坊話某條溪流有神秘能量,

浸喺水入面有種被電擊嘅感覺,肌肉仲會跳動!

有個阿伯仲話,只要將手同額頭伏喺有水流過嘅岩壁上,一陣間就會感覺雙眼變得明亮有神!

唔知細路浸完會唔會讀書考試100分呢?

 

電視台搵埋電機系教授去睇真啲,點知阿學者話,

之所以有神奇能量係因為……

 

附近有間屋漏電!

 

閂完大掣之後,「神秘能量」冇晒,

有個本來講到條溪幾咁神奇嘅阿叔,

當堂謝晒皮!

 

喂,條溪咁多傻人去「治病」,不如改個名,

叫「傻溪」啦!!

養蠔場發現清純台妹 網友大叫「娶回家」

台妹,各位巴打點會唔ok?

 

仲要係顧家嘅,問你怕未!

台灣有網絡節目採訪嘉義一間養蠔場,賣點?

梗係呢位「牡蠣西施」。

佢叫做蔡亞青(呆呆),今年28歲,

身形纖瘦唔在講,點解會走去打理蠔場,而唔係出台北做OL?

呆呆話蠔場係屋企生意,自己本來喺手機店打工,

但係阿媽整親,於是就返屋企幫手。

咪睇佢弱質纖纖,開蠔駕輕就熟,由海度拎十幾斤蠔出來都冇難度。

睇埋佢FB,又會po自己煮兩味嘅相。

重點來了︰呆呆未有男友架!

呢啲咁老婆able嘅台妹,梗係令網友好大迴響啦,

直情話「適合娶回家」!!

 

更重要係,佢擇偶條件超簡單,

你肯去做工就得!

喂,識做啦。

 

原post

呆呆fb

NZ警察招募廣告 一口氣數盡30個工種

點解紐西蘭啲警察個個好似荷里活動作明星咁有型架!

 

呢條片實在不得了!

一個警察招募廣告,可以拍到好似電影咁,

仲要係真警察親身上陣,

介紹警隊30個工種畀你知,

就算你唔係要考警察,

都會好欣賞條片嘅心機,

個結局仲好風趣㖭!

 


 

突然,我諗返起香港警察啲廣告。

FLUKE呢個經典!

二次創作Belt Buckle Seat Belt