廣告

派散水餅 老細抽水鬧冇義氣 工程師whatsapp大反擊

打工嘅嘢,好來好去嘅啫。 一盒散水餅,一句前程似錦All The Best, 係咪門面工夫?是但啦,最緊要唔好搞到核核突突。 網上有個whatsapp訊息截圖流出,一位喺蓮塘口岸工作嘅工程界打工仔last day, 喺群組send message通知同事已經準備「散水餅」, 多謝大家一直以來嘅照顧

姚子羚又失戀 心都碎
曼谷馬神廟馬運亨通財星旺︱伯威專欄
灣仔寶雲道姻緣石︱伯威專欄

打工嘅嘢,好來好去嘅啫。

一盒散水餅,一句前程似錦All The Best,

係咪門面工夫?是但啦,最緊要唔好搞到核核突突。

網上有個whatsapp訊息截圖流出,一位喺蓮塘口岸工作嘅工程界打工仔last day,

喺群組send message通知同事已經準備「散水餅」,

多謝大家一直以來嘅照顧。

查看相片

點知轉頭一位疑似老細嘅人物就留一句「乜喺地盤危急時散水,係人所為?」。

都last day啦,仲想攞個尾彩?

Last day打工仔等到6點收工之後即刻留言反擊,

首先用「舊老細」教導嘅「地盤一日未完,每日都係危急時間」,

回敬「地盤危急時散水」呢個point。

查看相片

反駁完就梗係講吓自己有幾仆心仆命,但係老細都唔滿意,

輕輕拎返少少分數。

之後就出拳啦!Last day打工仔話近呢兩個月唔少人辭職,

要工程師冇工程師,要雜工冇雜工,舊老細可謂「功不可沒」。

而且舊老細不斷調人走但又係咁話人唔做嘢,

工作量去到極限!

Last day打工仔又話,喺呢個地盤做咗5年幾,

最後一日都要俾人咁樣話,覺得好心寒。

然後「潤」舊老細人格同涵養都有問題,叫對方睇多啲書,串到盡!

查看相片

唔少網友都撐Last day打工仔,認為舊老細唔識做人,

有咩唔使公開講,而家反而被人過一楝!

亦有人認為「山水有相逢」,對方話晒都係管理層,

打工仔他日轉工唔轉行的話,隨時俾人講壞話。

有行內人爆料話嗰位好小器老細曾經係被公司派去「重點培訓」嘅管理人員,

爆單咁嘢之後,會唔會都好傷呢?

來源︰網上圖片

廣告

COMMENTS