廣告

「雙陳戀」又斷正 陳家樂搭住陳瀅膊頭sweet住完成比賽

查看相片 上年年尾,,32歲陳家樂同29歲陳瀅(Jeannie)被傳因合作拍攝劇集《廉政行動2019》而日久生情,之前仲有報道指佢哋去日本餐廳撐枱腳,食完飯陳瀅仲車陳家樂返自己香閨;之後又傳佢哋同遊東京,甜蜜迎接2019年。 「雙陳戀」爆出後,呢對緋聞情侶例牌否認戀情,不過近日佢哋嘅戀

盤點2019年TVB6位力捧花旦
《風雲》系列導演林嶺東家中猝死 終年63歲
重溫今年無綫劇集搶眼奸角 邊位令你最心寒?

查看相片

上年年尾,,32歲陳家樂同29歲陳瀅(Jeannie)被傳因合作拍攝劇集《廉政行動2019》而日久生情,之前仲有報道指佢哋去日本餐廳撐枱腳,食完飯陳瀅仲車陳家樂返自己香閨;之後又傳佢哋同遊東京,甜蜜迎接2019年。

「雙陳戀」爆出後,呢對緋聞情侶例牌否認戀情,不過近日佢哋嘅戀情似乎有新發展喎~

查看相片

話說早前陳家樂出席《揹水一戰》慈善跑山比賽活動嘅時候,陳瀅突然現身,搞到家樂即時「紅都面晒」同埋搵好友衛詩雅隔住,佢當時仲拒絕合照添呀!當接受傳媒訪問時,家樂話唔知Jeannie會一起跑,仲話佢哋已經「降呢」做普通朋友。家樂話就話唔知緋聞女友會現身,不過今日就有報道指佢哋喺比賽途中,可能諗住遠離傳媒嘅視線,喺毫無戒心咁形影不離咗,行得超埋,最後陳家樂仲用手搭住Jeannie膊頭,實行sweet住完成比賽。

查看相片

另外,呢個比賽係需要每位參加者揹負5公升水去來完成賽事,不過期間Jeannie就未有依比賽規則去揹水樽挑戰賽事。

佢哋sweet住結伴同行咁比賽,唔知今次佢哋又點回應呢?

查看相片

查看相片

查看相片

廣告

COMMENTS