廣告

「翻版陳妍希」陳潔玲望重返幕前:唔知點解一路都冇人搵我拍嘢

1 / 1 「翻版陳妍希」陳潔玲望重返幕前:唔知點解一路都冇人搵我拍嘢 有「翻版陳妍希」之稱的陳潔玲(Christy)在2017年離開效力5年的TVB後,毅然投資7位數與朋友合資開婚紗店同party room。目前生意搞得有聲有色,她更透露計劃做一些

慘變網紅臉 佘詩曼以素顏真面目反擊:關掉濾鏡
驚訝大仔Lucas大得快 張栢芝:已經高過我
拎住「老婆」接機牌冧爆林嘉欣 劉青雲:郭藹明肯定頂唔順
1 / 1
「翻版陳妍希」陳潔玲望重返幕前:唔知點解一路都冇人搵我拍嘢

有「翻版陳妍希」之稱的陳潔玲(Christy)在2017年離開效力5年的TVB後,毅然投資7位數與朋友合資開婚紗店同party room。目前生意搞得有聲有色,她更透露計劃做一些新的小生意以及正在籌備party room開分店,勢要做事業女強人。

有生意頭腦的Christy向《香港01》透露這兩年來自己成長了不少:「呢兩年做生意真係經歷咗好多以前從來唔會經驗嘅困難,例如同拍檔或者其他人嘅一啲糾紛,生意上同金錢上的糾紛。所有嘢都要自己咬實牙關去解決,每次解決完都學到好多嘢,會成熟咗好多,性格同以前比都變咗好多。(咩原因令你堅持?)因為窮,要自己養自己,想屋企人過好一點的生活,想將來過得舒服一點的生活,所以後生嗰陣乜嘢都要捱!(係咪回到本所以開分店?)因為自己係呢盤生意累積咗一啲經驗,覺得可以再發展。」

離開TVB後,Christy曾接拍題材大膽的電影《私人會所》,更短時間簽約王晶的星王朝有限公司:「2017簽的,不過其實係好短的一個合作,會返大陸拍一啲網劇。嗰時咁啱啲生意啱啱開始,唔可以離開香港太耐,始終佢哋的製作多數都要返大陸,一走就幾個月,所以無辦法取捨之下,做好啲生意打好基礎先。」雖曾為生意暫別幕前,但Christy仍希望復出:「好想做返幕前,但係唔知點解一路都冇人搵我拍嘢。(有冇想話做邊方面?)其實拍咩都冇所謂,最緊要開心,同埋網上粉絲成日問我幾時拍嘢問到我開始都覺得尷尬了。(拍性感戲都OK?)都係專業演員,所有角色只要係有挑戰性,合乎劇情需要,自己覺得舒服,都唔會抗拒。其實除咗性感仲有好多角色都想嘗試,例如一啲邊緣啲嘅角色,精神病之類,又或者扮丑角我都OK。」

Christy不時亦會在IG大派福利照,問到會否計劃出寫真,她就笑言:「一路都好想出寫真啊,但係要等一個好的時機。(有冇底線?)前提都係要靚先啦,可以nude,但不會露點!」至於事情目標,她就稱:「我份人其實唔鐘意plan 太長遠嘅嘢,因為好多時計劃都趕不上變化,所以做好目前就OK。而現在最想實現的就是養好身體,因為最近唔知點解成日病好辛苦。」

廣告

COMMENTS