廣告

大丁分手後剖白 「對唔住屋企人」

直播「家變」、颱風山竹之下在商場內「大奔走」……等片段,令Tracy(大丁)頓成網上紅人,其大癲大肺,口沒遮攔的行徑,加上與龍心的性愛片段,令她迅速成為網上話題。不過,隨着一段分手短片被上載以後,大丁突然在網上沉寂,不少網民擔心她受着沉重打擊想不開,亦有人批評她「自己攞嚟」。近日大丁終於現身,親自剖

【色者生存】Marketing上司要求同事著短裙
廁所跑不停?原來是水果吃錯了
CNN評選《日本必去的31處美景》,此生沒去你會後悔一輩子!

直播「家變」、颱風山竹之下在商場內「大奔走」……等片段,令Tracy(大丁)頓成網上紅人,其大癲大肺,口沒遮攔的行徑,加上與龍心的性愛片段,令她迅速成為網上話題。不過,隨着一段分手短片被上載以後,大丁突然在網上沉寂,不少網民擔心她受着沉重打擊想不開,亦有人批評她「自己攞嚟」。近日大丁終於現身,親自剖白「大丁」是如何煉成。

與前男友相識,源於大丁希望向他推銷健康產品。「舊年9月3日,嗰陣佢第一句就問我『你知唔知我係邊個?』我話唔知,佢就話有更好嘅工作機會畀我。」及後,龍心稱要帶她到一個地方見工,「原來係佢屋企,結果識咗一個鐘就發生咗關係。」翌日開始,大丁向媽媽表示老闆要求要住在民宿,為他打理「民宿」,並展開與前男友的同居生活。

說到前男友,她不禁露出甜笑:「我覺得佢係鍾意我,都可能係一見鍾情,覺得佢都幾吸引。」這次是她的初戀,她以為可以遇上一生一世的伴侶,大丁甘願放下原則及尊嚴,豁出去與前男友拍口交片上網。她誤以為愛是如此,自願被利用為「呃Like」工具,她亦苦笑說自己太天真、太傻。

拍攝的片段,包括追打其他網紅、在商場奔跑「釋放自己」、甚至有性交片段……「佢話如果我咁做呢就會令到佢變好,佢好嘅話就係我好,令多啲人認同支持佢。」她解釋片中「淫蕩」的她是被「操控」而來,「佢叫我喺鏡頭面前表現到好淫蕩,就可以令香港性開放啲,令到女權主導,將女性最原始對性嘅飢渴表現出嚟。」

面對由首段性愛片流出,網民一面倒的批評,甚至當面恥笑,罵她「臭X」、「好癲」、靠網紅博上位……她激動地道:「如果我真係(想)出名,我唔需要做啲咁嘅嘢,仲要係令我人格咁樣。」

她自言在4個月間,由一個別人眼中斯文、內向、文靜的女孩,自稱變得狂野、表演慾強、有破壞力,她認為自己亦有責任,「佢只係激起咗我潛意識人格,呢個係另一個我」。失控的行徑換來卻是朋友一一離她而去,從前對家人千依百順的她,更聲稱為協助父親戒煙戒酒,不只毆打他,更加「做直播」,將家事公諸於世,「呢樣嘢係我最內疚嘅事,我為咗個男人,傷害一個最愛我嘅男人(父親)。」

大丁自覺後悔及對不起身邊人,尤其是家人。訪問當日,大丁媽媽一直陪伴她左右,當她聽畢一番懺悔之言,她亦不禁擦拭眼角:「你要堅強,我哋唔會放棄你。我從來都冇怪過你,我知Daddy都冇怪過你。點都好,我哋都已經捱過嚟喇,重新開始啦好唔好?」大丁或許感受到媽媽的包容,不時拍拍母親膝頭,看到她哭時,亦會一同落淚。

這段經歷,大丁亦自言希望重新做人,「我有個夢想,就係諗住去Working Holiday,環遊世界,了解多啲唔同文化。就係因為呢啲事,我夢想可能都實現唔到喇,但我都希望仲有機會。」不過訪問當中,大丁不時會講到要跟前男友一刀兩段,不過說話中又離不開對他的牽掛,大丁會否兜兜轉轉又回到前度懷中?相信網民都會拭目以待。

除大丁的人生來了一個天翻地覆的改變,其家人亦經歷了一段黑暗日子。「曾經有段時間好崩潰…搞到咁,我都有責任」,大丁媽媽自責太過保謢女兒,令她不知道世途險惡,太容易相信別人。

「唔好理任何人對你嘅批評同指摘,唔好喊,要堅強」,這正大丁母親給女兒的說話。大丁父母早年婚姻破裂,大丁一直與只有10歲的妹妹與媽媽生活,但一家人生活卻充滿愛。在這段日子,最受折磨莫過於大丁的媽媽,談到如何渡過,她亦不禁淚流:「第一次睇佢哋網上啲片,係鄰居拎畀我睇,嗰時我都唔知邊個係龍心!」結果事件發展愈來愈超想像。

「短短幾個月時間,發生咁多嘢,對我哋任何一個人屋企,甚至所有人嚟講,都係一個打擊」。不過在家人眼中,大丁仍是一個乖巧的女孩,「點都好啦,事情過去咗,一切重新開始。」她現時最希望是隨着女兒與男友分開,事件告一段落,女兒亦可回復過往平靜生活。

廣告

COMMENTS