廣告

【報案單曝光】做精油按摩被上下其手 Yumi:差點是性侵的程度

更多 賭王公子何猷君舊愛、新加坡孖妹組合By2嘅26歲細妹Yumi(白煒玲),去年喺社交網自爆去按摩時遇色狼,疑被人伸魔爪猥褻,事後嚇到佢冇覺好瞓,2日後才決定報警,報案單日前流出,案件列作被猥褻處理。 Yumi日前接受新加坡傳媒訪問,首度開腔親述疑遇色狼嘅詳情,佢話事發地點位於

24歲名模整形被發現 小眼割成超大電眼
特朗普支持者之一 美國賭神的奢華生活
台《愛玩客》主持鮪魚疑被偷拍裸照 同房Nono堅稱報道不實

賭王公子何猷君舊愛、新加坡孖妹組合By2嘅26歲細妹Yumi(白煒玲),去年喺社交網自爆去按摩時遇色狼,疑被人伸魔爪猥褻,事後嚇到佢冇覺好瞓,2日後才決定報警,報案單日前流出,案件列作被猥褻處理。

Yumi日前接受新加坡傳媒訪問,首度開腔親述疑遇色狼嘅詳情,佢話事發地點位於北京,呢間按摩店經常幫襯,嗰日佢去按摩時,由於店內嘅女按摩師全部唔得閒,有位男按摩師向佢毛遂自薦,Yumi冇多諗就答應,點知喺按摩期間,男按摩師嘅手法越嚟越奇怪,疑對佢上下其手。

Yumi話自己原本想啞忍,離開後才同朋友講細節:「身邊人都說太誇張了,差點是性侵的程度…我覺得女生在外自己要小心,要保護自己。」朋友仲反問Yumi當時點解唔反抗?Yumi無奈表示因為做精油按摩,全身赤裸無法起飛腳,二來對方係男性,自己一個女仔,「若他把門上鎖怎麼辦?」擔心自己冇力對付,情況更加難以控制。

疑遭男按摩師猥褻事件發生後,Yumi話2日都瞓唔着,朋友睇唔過眼,紛紛勸佢報警,最後Yumi鼓起勇氣去報案,她表示:「公安當天去抓人,還上手銬!」Yumi話而家仍然心有餘悸,唔敢相信呢種電影橋段,會發生喺自己身上:「被嚇到,心都慌了!」坦言呢件事令佢有陰影,以後唔敢再搵男按摩師,今次公開事件,係希望有類似遭遇嘅女性,千祈唔好忍氣吞聲,要勇敢捍衛自己!

廣告

COMMENTS