廣告

玄學棟篤笑之太歲篇︱伯威專欄

  人  物:亞賴  亞馬  翁師傅 道  具:流年書一本由亞賴拿著 讀  白:各位觀眾,現在時值歲晚,送豬迎鼠之時。大街小巷,茶餘飯後最多人談論既話題,莫如「犯太歲」 啦。讓我地睇一睇,以下亞馬同亞賴,點樣討論犯太歲呢個話題先! 亞  賴:亞馬!咁耐冇見!匆匆忙忙口住去邊呀! 亞 

「五鬼運財」招財法︱伯威專欄
李小龍與鄧麗君命格秘密︱伯威留聲機
玄空九星盛衰法則︱伯威專欄

 

13118894_419253901600033_4916837431469044018_n

人  物:亞賴  亞馬  翁師傅
道  具:流年書一本由亞賴拿著
讀  白:各位觀眾,現在時值歲晚,送豬迎鼠之時。大街小巷,茶餘飯後最多人談論既話題,莫如「犯太歲」
啦。讓我地睇一睇,以下亞馬同亞賴,點樣討論犯太歲呢個話題先!
亞  賴:亞馬!咁耐冇見!匆匆忙忙口住去邊呀!
亞  馬:亞賴!Long time no see!趕住去拜神囉!
亞  賴:挨年近晚,有咩野神好拜呀!係唔係拜會發達先!
亞  馬:亞馬!唔講你唔知,皆因今年我生肖屬鼠,E本流年書話我出年犯太歲,唔做翻D,會死人兼琳樓咁
講!講開又講,我屋企隔離二叔公個仔,今年犯太歲,真係大病一場,病到不似人形,真係好慘呀!
本書仲話犯太歲既人會是非纏身,破財,輸錢,夫妻駁交添喎!
亞  賴:諗下又係!我樓上個老太聽講佢今年犯太歲,撞車入醫院幾日喎。既然犯太歲真係咁慘!我都要
信呀邪啦!不如同我查下我有冇犯太歲呢?唔該幫我查一查!
亞  馬:你你咩生肖呀?
亞  賴:我生肖屬馬。
亞  馬:(查一查)嘩!仲大件事,屬馬犯得仲犀利!叫做「沖」太歲,仲可能犯桃花煞添!夫妻感情不和
!不如你一齊去拜下喇!
亞  賴:好!不過我又想八一八,唔知會唔有第二D生肖犯太歲呢?例如我太太屬羊,又會唔會犯太歲呀!
亞  馬:(查一查)咦!你老婆又出事,她是「害」太歲,唔拜唔得,都係要拜!為人為到底,不如查埋你
個仔同個女!
亞  賴:好!我個仔屬雞,個女屬兔,又有冇犯太歲呀!
亞  馬:等我查下先!咦!你個仔屬雞,………原來係破太歲!個女屬兔,………又原來係刑太歲,真係橋
呀!
亞  賴:有冇狡錯呀!全家犯太歲,咁咪好慘!不如你借本書我自己查下!(取去亞貴本書,翻幾翻)咦!E
本書話喎,虎和狗與馬都有計傾,馬太歲,所以屬虎和屬狗又係犯太歲呀!
亞  馬:有咁多生肖犯太歲咩,睇下!
亞  賴:!又係!我屬鼠既又犯太歲,你屬馬既又沖太歲,你太太屬羊又話害太歲,你個仔屬雞又話破太
歲,你個女屬兔又話刑太歲。跟著又話屬虎同屬狗既都話唔掂,咁已經有七個生肖犯太歲喇!有冇咁
多呀?
亞  馬:本書我睇過,好似仲有其他生肖犯太歲,咁咪好似係人都犯太歲咁!
亞  賴:其實都冇理由咁多生肖都犯太歲假,不如過真正專家問下!
亞  馬:邊個好亞?
亞  賴:梗係翁師傅啦!
讀  白:翁師傅,玄學專家師承多位老師傅,研習玄學三十多年,現任全職風水玄學顧問,近期仲上埋電視
添!
翁師傅:太歲這個名詞來自道家,依六十花甲排列,共有六十個,衪們是天界的大將軍。2008戊子太歲名鄒鐺
大將軍,又名鄒銳,字克剛,生前為明代的一個清廉的官員,廣受人民的愛戴,死後被天庭委派為六
十太歲之一,當戊子年時,便會來到人間,主持人間的吉凶福咎,揚喜貶惡等事。故人們向衪祈福,
年中亦可以趨吉避凶,事事順利。至於犯、沖、刑、害太歲等,唔多唔少同子平命理扯上關係,而在
沖刑上亦有多種解釋。民間多以凶禍解釋,但亦要從我們的人字四柱去分析,若然該年太歲的天干地
支是我們八字的用神,反而是好運。例如今年戊子年,戊屬土,子屬水,若然我們的八神用神是水土
的,今年我們的運程便可以興旺了!一般來說生肖屬鼠或馬的朋友,今年運程較為反覆波動,所以被
列為不吉之一族!
讀  白:既然翁師傅話生肖屬鼠或馬的朋友,今年運程較為反覆波動,所以被列為不吉之一族!亞富和亞貴,
一個屬鼠,一個屬馬,唔知佢地有D趨吉避凶之法呢?
亞  賴:既然翁師傅都話我地犯太歲咯,都要做D!
亞  馬:我都唔知點做呀,不如睇下E本書先喇!E本書話,犯太歲最好係搬屋,佢話搬屋屬喜事,所謂一喜擋
三災,無喜百事來喎!
亞  賴:你估話搬就搬咩,常言道上屋搬下屋,唔見一籮穀嗎!尤其是我地公屋居民,搬屋仲要申請,好麻
煩嫁!有冇其他簡單D既方法呀!
亞  馬:咁!有冇其他喜事可行亞,例如結婚生仔咁呀!
亞  賴:啋!我個仔都就黎二十歲喇,仲話結婚生仔,想我家變咩!仲有冇其他方法呀!
亞  馬:等我再查一查先!E!本書話喎戴翻件牛形頸,亦可趨吉避凶!
亞  賴:咁?我屬馬,帶隻牛,會唔會今年變做牛做馬嫁!仲有冇法呀?
亞  馬:咁又唔知係咪喎!等我再查一查先!本書話佢地特製一件化太歲法器,特價一千六佰八十八,仲話
益街坊!可以化太歲於無形喎!
亞  賴:亞貴,我打工仔一名,幾千蚊一個月,點付得起呀!又冇D平嫁!
亞  馬:有!本書有度符,佢話成年袋住佢就可以嫁喇!
亞  賴:個本書入面得一度符,我有你冇,君子怎能奪人所好呢!而且聽聞符是要開光,又唔知E度符有冇開
光呢?冇開光咪白袋?
亞  馬:不如都係去拜下太歲囉!
亞  賴:咁又點拜呀!不如又去問下翁師傅啦!
亞  馬:好呀!
翁師傅:民間拜太歲的方法有很多,有宗教之人士,可以回到他們的教會祈福,祈一年的順境!若沒有宗教的
人士,可按照傳統的道教方式祈福,到各大佛廟的太歲祈福,各廟宇的祈福儀式都有D不同,難以全
述,善信可按照指示祈福,一般消費不高,香油隨意。如果要請符的話,最好到各大道堂,請有開光
的「太歲符」,因為冇開光的太歲符,只是印刷品,效用不大。安奉太歲符的方法,可向相關道堂查
詢。再一提的,係你地家中亦可向太歲祈福的。條件立春前,向著正北方擺設香案,向太歲祈福。最
後一點值得重視的,就是祈福必須「心誠」,才可以得到神明的保佑!

廣告

COMMENTS