廣告

重溫今年無綫劇集搶眼奸角 邊位令你最心寒?

《萬千星輝頒獎典禮2018》已經圓滿結局,視帝視后順利誕生,唔知大家滿唔滿意當晚嘅得獎名單呢?今年無綫劇集有唔少演員憑精湛嘅演技,將奸角演得出神入化,睇到觀眾咬牙切齒,令人留下深刻印象,而家就同大家重溫一下今年有咩搶眼奸角啦! 郭晉安《再創世紀》飾演 賀天生 查看相片 唔少網民都好鍾意

回顧今年難逃分手命運圈中情侶 願各自再找到幸福!
被譽「世界級整容」!韓妹超美顏值成新一代整形樣板
胡鴻鈞再拍《降魔的》免脫

《萬千星輝頒獎典禮2018》已經圓滿結局,視帝視后順利誕生,唔知大家滿唔滿意當晚嘅得獎名單呢?今年無綫劇集有唔少演員憑精湛嘅演技,將奸角演得出神入化,睇到觀眾咬牙切齒,令人留下深刻印象,而家就同大家重溫一下今年有咩搶眼奸角啦!

郭晉安《再創世紀》飾演 賀天生

查看相片

唔少網民都好鍾意睇郭晉安做奸角,好似之前嘅《與敵同行》唐立言及《忠奸人》高哲行,安仔都完美演繹出精髓,睇到觀眾心寒又肉緊。今次《再創世紀》繼續搵嚟郭晉安演出,不過就由忠直善良嘅馬志強變為自私奸商賀天生。賀天生份人充滿野心,唔單止不擇手段意圖吞併自己老婆嘅契爺集團,又背妻偷食又買兇殺人,安仔將角色發揮得淋漓盡致,好多網民都話見到佢笑心都寒埋。

陳山聰《逆缘》飾演 賈綽

查看相片

陳山聰喺劇中一人分飾兩爺孫賈綽及賈卓斌,雖然兩個角色外表一樣,但係佢哋嘅性格就截然不同,孫仔賈卓斌為人正直,而阿爺孫賈綽就同鍾定國(陳家樂飾)一樣係冷凍人,為人心狠手辣。佢可以為咗黃金將孫仔禁錮打懵仔針,之後假冒孫仔「賈卓斌」、將女朋友Macy(黄山怡飾)虐打禁錮及揸車撞死莫小翠(于淼飾)。最後當然係奸人冇好報,最終被龍震(黃柏文飾)殺死。陳山聰憑出色嘅演技演活奸到出汁嘅賈綽,唔少網民都喺網上鬧爆佢。

阮兆祥《平安谷之詭谷傳說》飾演 伍尚舜

查看相片

阮兆祥喺劇中飾演伍尚舜,為人陰險奸詐又貪錢,及後因為家道中落入咗陸家做管家,不過佢一直都好不滿要屈居喺陸家之下。另外,佢仲早已暗戀陸金谷嘅三太太顧曼儀(朱晨麗飾),仲為咗紅顏喺暗地裡做咗唔少嘢,例如綁架二奶奶宋鳴鳳(蘇玉華飾)個女小璇(陳沛妍飾),搞到佢獲救後患上創傷後遺症。之後,佢殺死伍立秋(陳榮峻飾)並嫁禍俾陸水豐(黃浩然飾)及引領龐大虎(徐榮飾)佔領平安谷。佢嘅笑聲同奸詐表情,睇到好心寒,令人留下深刻印象。

鄭子誠《平安谷之詭谷傳說》飾演 賈東陽

查看相片

有鄭子誠就有陰謀,今次係劇中嘅角色同樣令人心寒,本身係一個西醫,但係被村民當成獸醫嘅賈東陽(鄭子誠飾),當年同妻子私奔,之後喺妻子死後就帶住個女賈淼淼(簡淑兒飾)改頭換面去咗平安谷。原本父慈女孝嘅單身家庭,因為對妻子念念不忘,所以對個女有極強嘅佔有慾,佢將自己個女幻想成亡妻,有次佢獸父上身,差啲侵犯咗個女,好彩北杏(沈卓盈飾)及時出現而化解此事。雖然戲份唔算好多,但係一諗起佢望住個女嘅變態眼神就打冷震。

梁烈唯《飛虎之潛行極戰》飾演 郭勤風

查看相片

《飛虎之潛行極戰》入面變態恐怖份子郭勤風Kenny(梁烈唯飾)以殺人為樂,見人死佢就會瘋狂大笑,嗰下超高音笑聲就好似魔音咁,聽到都覺得好不安。雖然唯唯要扮身為前海豹特擊隊嘅成員,身形上有啲輸蝕,不過佢扮演嘅呢個變態恐怖份子行為瘋瘋癲癲,同唯唯以前所扮演過嘅角色好同。完全估唔到佢做變態恐怖份子可以咁入形入格,仲俾人一種好魔性嘅感覺!

黃子恆《飛虎之潛行極戰》飾演 盧國斌

查看相片

上年黃子恆拍《降魔的》同樣係飾演魔警郭展明,大獲好評。今年就再繼續飾演奸角,飾演奸到出汁嘅犯罪集團成員盧國斌。雖然佢與同劇嘅唯唯都係做奸角,但係佢就唔係好似唯唯一樣咁癲咁喪,而係陰沈中帶一種睥睨天下嘅感覺。面對霸氣娜姐(伍詠薇飾)個仔,即係自己個外甥高家朗(黃宗澤飾)都一啲都唔比面,直頭係想食咗高家朗咁款。

胡定欣《宮心計2深宮計》飾演 王蓁

查看相片

俗語話「一入宮門深似海」,後宮爭寵同勾心鬥角係宮廷劇嘅主要戲碼,所以《宮心計2深宮計》嘅皇后又點會唔奸呢?由兩屆視后胡定欣飾演王皇后王蓁,表面上大方得體、為人著想但內裡陰險奸詐及心狠手辣。胡定欣成功演活呢個深宮女子爾虞我詐嘅恐怖同後宮爭寵嘅悲哀,好似佢整傷自己塊面陷害鄭純熙(周秀娜飾)、想報復元玥(劉心悠飾)將佢嫁到番邦、令到鄭純熙小產、用石頭襲擊甘若芊(黃心穎飾)等等。佢壞事做盡,真係睇到觀眾眼火爆。

林子超《宮心計2深宮計》飾演 陳茗風

查看相片

除咗胡定欣之外,由林子超飾演心腸歹毒嘅太醫學徒陳茗風,同樣令人印象深刻。第一次參與無綫劇集嘅林子超(Andy),喺劇中為上位欺師滅祖落藥毒害自己恩師文太醫(袁文傑飾)、扮宮女大叫「有刺客」陷害鄭純熙(周秀娜飾)同任三恕(馬國明飾)有染同埋設局令鄭純熙小產,最後被皇后(胡定欣飾)狠下毒手殺死。雖然一班觀眾都對佢恨之入骨,但大讚佢第一次都做得咁好,有前途。

秦煌《兄弟》飾演 蔣萬祺

查看相片

秦煌喺劇中飾演香港超級富豪蔣萬祺,做事不擇手段,佢係馬斯婷(江嘉敏飾)嘅殺父仇人、與尹成亨(石修飾)勢成水火、佈局想殺死尹成亨及張非凡(王浩信飾)等等。秦煌完美演繹財大氣粗嘅富豪,雖然最後拒捕被擊斃,但演技已經超晒班,觀眾睇到拍爛手掌。

石修《兄弟》飾演 尹成亨

查看相片

老戲骨演奸角,唔駛講都知一定別有一種奸法。石修喺《兄弟》入面就由頭奸到落尾,仲要奸得有型又靚佬,加上強勁嘅氣場,真係Man到爆呀!表面上係一位傳媒大亨、前金管局副總裁Hunter尹成亨,背後係秘密組織「騎士會」主席,而且每位成員都係社會上極具影響力嘅人士。深不可測嘅氣勢,似乎藏有重大陰謀。

廣告

COMMENTS