廣告

觀眾解讀馬明呆樣:佢唔忿氣

尋日大台頒獎,每年呢個大日子,難免有歡笑,也有唏噓。 話說經常失落大獎嘅馬明,尋晚再度奪得最受歡迎電視男角色,佢嘅一番得獎感言,卻被網民無限解讀。 領獎後他說:「首先唔洗俾紙巾我,我無做代言,無收錢!我真係唔知點解會攞獎,我莫名其妙!我唔係蕭正楠,無註冊!我要多謝小青姐同《宮心計2深宮計》

【華鼎獎頒獎禮】張鈞甯奪女配獎 自爆與范冰冰有短訊聯絡
【餐具當婚戒】蕭正楠坐過山車求婚 黃翠如:沒有奢華的浪漫,但足夠
視帝瞓身演出 碌地都無計 祥仔大讚龔嘉欣好打得自愧不如

尋日大台頒獎,每年呢個大日子,難免有歡笑,也有唏噓。

話說經常失落大獎嘅馬明,尋晚再度奪得最受歡迎電視男角色,佢嘅一番得獎感言,卻被網民無限解讀。

領獎後他說:「首先唔洗俾紙巾我,我無做代言,無收錢!我真係唔知點解會攞獎,我莫名其妙!我唔係蕭正楠,無註冊!我要多謝小青姐同《宮心計2深宮計》的幕後團隊。」

有觀眾事後上網討論,認為的士馬明今次講嘢「有骨」,似係嬲到失言,有粉絲就力撐馬明,年年咁多人支持,但年年都失落視帝,係人都會嬲,認為「似係嬲到失言」,但「演員係應該有火」。

但就有心水清網民直言馬明今年表現嘛嘛,「《深宮計》點攞視帝」;一係唔頒,一係唔應該頒個莫名其妙嘅「獎」。

作為一位打工仔,心情寫晒上面,馬明其實幾蝕。

不過老實喺香港打工,公司肯表揚,或者應該感恩;好多唔同行業,服務公司多年,無功都有勞,但一個獎都無呀。

汪阿姐話每套劇都有自己命運,就算倉底貨都變精品,希望馬明可以當自己係精品,睇開啲啦。

廣告

COMMENTS