廣告

【係愛呀哈利】《愛·回家之開心速遞》曹總開IG 仲只係follow佢!!

查看相片 無綫處境劇《愛·回家之開心速遞》一星期五日,食飯時間打開電視都會見到佢哋,唔少劇中角色已經成功入屋,幾pair情侶更加奪得廣大網民歡心,尤其係大小姐(林淑敏飾)與送水輝(許家傑飾),早前佢哋大玩「初戀套餐」,更成為網上熱門討論話題。可能眼見佢哋嘅受歡迎程度,編劇組想製造多對令

激罕出土!嘟姐飛釘肉搏發哥
離婚傳聞後首度現身 陳自瑤否認離婚:無趕老公出門口
Johnny Depp 首度開腔談及《Fantastic Beasts》角色紛爭,直指「她讓我很感動…」

查看相片

無綫處境劇《愛·回家之開心速遞》一星期五日,食飯時間打開電視都會見到佢哋,唔少劇中角色已經成功入屋,幾pair情侶更加奪得廣大網民歡心,尤其係大小姐(林淑敏飾)與送水輝(許家傑飾),早前佢哋大玩「初戀套餐」,更成為網上熱門討論話題。可能眼見佢哋嘅受歡迎程度,編劇組想製造多對令觀眾鍾意嘅CP,今次就輪到曹總(劉一飛飾)同熊若水(呂慧儀飾)。

查看相片

喺早兩集(上星期四晚播出)就講述熊若水喺占卜嘅時候被指真命天子已經出現,仲曾經同佢表過白,不過俾佢拒絕咗。之後占卜師仲贈咗佢一個「K」字,若水即係聯想到嘅人係龔燁(張景淳飾),但原來除咗龔燁有K之外,其實曹總嘅英文名係Kenneth都有個K字。若水再次被曹總追求,佢哋仲有埋定情歌 - 《鳳陽花鼓》,但若水介意曹總嘅外貌同身型,喺屋企人同朋友嘅支持下,佢嘗試接受佢,點知最後都係接受唔到,仲打咗曹總一拳,搞到最後「分手」收場。曹總仲喺IG留言話「#心碎了 #愛過也痛過同埋 #要作一個艱難的決定」,個個都以為若水被飛。

查看相片

查看相片

查看相片

查看相片

呢一集播出後,有網民發現曹總原來真係有IG,喺簡介中寫上自己係曹氏集團主席兼曹達華影視集團行政總裁,同時亦係演員,參演嘅作品有《西門慶合合》、《西門慶上慶》及《校園十三么 》。

至今佢已經有5個post,當中有4個係關於佢同水水嘅。第一個PO上載全黑圖片加上劇中嘅分手宣言;第二個PO就係佢俾水水打完鼻貼上紗布嘅相片並留言話:「鼻子再痛都會康復,那麼心呢?#不會放棄 #開心速遞 #不是,是傷心速遞」。而第三個PO曹總就上載咗一張自己嘅素顏寫真絕密照片,仲話:「徇眾要求,獻上以前拍下的素顏寫真絕密照片 #水水bb會看到嗎 #寫真各大書店仍然有售 #開心速遞」而第四個PO就係曹總望海嘅相片並留言話:「一起來看看海吧!#往事如煙 #看到海就想到了水…#發呆的冠軍 #開心速遞

查看相片

曹總雖然食咗水水bb嘅兜鎚窩面,搞到個鼻流晒血,但似乎真係對佢一條心,因為佢淨係Follow咗熊若水(即係呂慧儀)一個㗎咋,真係愛得好明顯呀!

查看相片

雖然唔知呢個IG係唔係曹總本人開,短短幾日已經吸引超過二千個followers,但唔少網民都覺得好搞笑,仲留言勸佢唔好放棄、支持佢、要同龔燁拗手瓜爭水水返嚟同埋好欣賞佢對水水咁深情等等。另外,連劇中嘅飾演送水輝嘅許家傑同大小姐嘅林淑敏都有留言,送水輝留言話:「如果痴痴的等….😂😂😂」,之後曹總竟然搞笑回覆話:「某日終於可等到一生中最愛嗎?」。大小姐就留言話:「尋晚之後,先發現你係 sweet-boyfriend」,曹總都有回覆佢話:「是Linda bb啊!」

查看相片

查看相片

自第一輯《愛·回家》開始,曹總可以話係觀眾最喜愛嘅角色之一,佢憑着唔咸唔淡嘅廣東話,完美演繹大陸土豪、戲中為人忠直、有情有義,相當搶鏡!

不過曹總可能要小心水水俾龔燁搶走呀,因為早前因工作安排離開劇組嘅張景淳會重返劇組,將會喺暑假出場,仲話會延續同水水嘅感情線。想知熊若水最後揀曹總定龔燁,大家就記得留意劇情發展啦!

查看相片

廣告

COMMENTS