廣告

不正義聯盟?DC開新品牌 賣點係暗黑性格

同一間公司同一個角色,但搵唔同人來做又互不關聯,到底係咩玩法? 查看相片 DC漫畫電影版系列同Marvel嘅《復仇者聯盟》系列,喺票房上可能有幾大差距,但Christohper Nolan執導的蝙蝠俠(Christian Bale做果位,唔係《正義聯盟》果個)、Heath Ledger

最索星二代任晴佳晒超長腿
漫威10年彩蛋全解析!18部電影串聯打造萬眾矚目的《復仇者聯盟3》!
繼續辣火頭 偽一姐吳若希 恰盡麥美恩

同一間公司同一個角色,但搵唔同人來做又互不關聯,到底係咩玩法?

查看相片

DC漫畫電影版系列同Marvel嘅《復仇者聯盟》系列,喺票房上可能有幾大差距,但Christohper Nolan執導的蝙蝠俠(Christian Bale做果位,唔係《正義聯盟》果個)、Heath Ledger做嘅小丑(Joker)都非常受歡迎,近期少少的《自殺特攻:超能暴隊》雖然故事被人鬧爆單薄無聊,但由Margot Robbie飾演嘅小丑女,同只係出現左15分鐘、Jared Leto飾演的小丑確實好搶鏡。成套戲除左佢2位其他人好似唔存在咁,2個角色會獨立成篇好理所當然。

查看相片

不過,近日DC高層Geoff Johns同Diane Nelson喺The Hollywood Reporter訪問入面confirm左個消息:發展DC副線DC Dark或DC Black。喺呢個副品牌入面,可以增加角色的自由度同多樣性,多啲實驗性。舉個例﹐即係大路主線《正義聯盟》繼續拍,副線拍蝙蝙俠,但2者可以毫無關係嘅!好混亂?都有少少,即係一個角色拍3次,次次個人生軌跡都唔一樣?到底係多左自由度,定為左cap水玩死啲角色?

查看相片

傳聞DC會開拍6部小丑電影,其中一套會出自呢個副牌。副牌同其他超級英雄電影唔同之處,係拍片成本低好多。雖然用少好多錢,但幕前幕後一啲都唔馬虎,搵左金像大導演馬田史高西斯(Martin Scorsese)做監製,《醉爆伴郎團》導演執導,而小丑就由性格演員金球影帝Joaquin Phoenix出演!

查看相片

一如副品牌dark同black概念,呢套Joker故事背景會設於80年代,當時小丑仍未成為大奸角,而係掙扎上位中的喜劇演員,風格偏向罪案劇情片。同阿Jared Leto做的小丑係無關係,2位演員各有各做!2位男星都係公認好戲之人,相信做Joker都會好睇,不過2位外型差咁多,風格又咁唔一樣,難免會被人互相比較,同埋,故事又獨立互不相干,唔知觀眾會唔會睇到好混亂?

廣告

COMMENTS