廣告

空姐爆料:飛機廁所4大奇觀

眾所周知,空服員其中一個職責就係要維持 飛機廁所 清潔,即係「洗廁所」,人工包嘅,所以一定不能避免。可是,某啲航班嘅廁所,的確係令我大開眼界!可能講出嚟你都唔會相信,但呢啲的而且確係我嘅親身經歷。 飛機廁所奇觀 01 | 座墊紙隔當垃圾桶 大家應該知道有某啲國家係唔習慣用座廁(你懂的)…… 所以座

「五月天粉」IG熱點:瑪莎老婆開咖啡館!必點抹茶塔、可可千層 每個角落都超好拍
日本1500人環保小鎮,用「廢棄物」打造超美啤酒廠!
你所不知的有趣冷知識,人腿竟然比水泥還堅硬?!

眾所周知,空服員其中一個職責就係要維持 飛機廁所 清潔,即係「洗廁所」,人工包嘅,所以一定不能避免。可是,某啲航班嘅廁所,的確係令我大開眼界!可能講出嚟你都唔會相信,但呢啲的而且確係我嘅親身經歷。

飛機廁所奇觀

01 | 座墊紙隔當垃圾桶

大家應該知道有某啲國家係唔習慣用座廁(你懂的)…… 所以座墊紙對佢哋嚟講係好陌生。雖然飛機廁所、座墊紙隔上有晒文字介紹,不過好多乘客都係性急啲嘅,用完啲紙巾咪塞落去囉!個「垃圾桶」咁細嘅?唔緊要,咪大大力塞落去囉!塞到跌晒出嚟咪我哋善後囉……

其實,座墊紙隔係畀你攞座墊墊住個馬桶㗎!其實佢個樣都唔似垃圾桶嘅…… 乖啦!垃圾就掉番落垃圾桶,OK?

Toilet Seat Cover.jpg
其實,座墊紙隔係畀你攞座墊墊住個馬桶㗎!其實佢個樣都唔似垃圾桶嘅…… 乖啦!垃圾就掉番落垃圾桶,OK?(By Whoisjohngalt, CC BY-SA 3.0, Link

02 | Hand cream body lotion 離奇失蹤

航空公司一般都會喺飛機廁所擺放潤手霜、潤膚霜,經濟客艙就有㗎喇。根據經驗,呢啲物品總會離奇失蹤,唔知飛機係咪真係有鬼呢?我唔知呀,你哋幫我估下點解吖不如……😂

Bathroom on an Emirates Airbus A380.jpg
Bathroom on an Emirates Airbus A380.jpg

By Mehdi Nazarinia – http://www.airliners.net/photo/Emirates/Airbus-A380-861/2361564/L/q, GFDL 1.2, Link

03 | 飛機廁所地下總是濕

玩嘢咩!廁所地下梗係濕㗎啦!係嘅係嘅,濕係正常嘅,但濕到好似有人喺度沖完涼咁就唔係正常喇啩?我記得有次飛中東航班,大概6小時航程入面,廁所地下每隔1小時就濕晒,😭 後尾先知有可能係有乘客因為宗教原因要沖涼……

做空服員真係令我見盡世界不同文化,大開眼界。

04 | 飛機廁所門口有屎(咁都得)

你冇睇錯,廁所門口真係可以黐住咗啲屎…… 唔好問我點解,我真係毫無頭緒,但當日我點做清潔嘅事就真係歷歷在目。

仲好記得事發當日大家發現廁所係極臭,咁我哋當然要入去檢查一下(我就係嗰個幸運兒喇),一入到去,馬桶冇乜特別嘅,點知一轉身就見到門口背面原來黐咗啲屎…… 大家應該好想知道到底係咩航班會發生呢啲事?

可能會估係強國係咪?但我話你知,嗰次係印度!

分享完畢!其實要幾個空服員負責幾百人一齊用嘅廁所係有難度嘅,尤其係經濟艙…… 雖然面對公司長期人手短缺,但絕大部分我共事過嘅同事都好努力喺有限資源下做可以做到嘅嘢,所以,如果你有幸喺飛機見到個廁所算係乾淨、唔臭嘅話,掌聲鼓勵。👏

廣告

COMMENTS