廣告

【色者生存】Marketing上司要求同事著短裙

職場世界,唔一定適者生存,但好大機會色者生存。可能大家都唔肯承認、但必須承認的一件事係:靚仔靚女見客有着數。然而,時至今日有樣已經唔夠,小編有朋友竟然被上司落「柯打」,一定要短裙見客,朋友嚇到話:「第一次遇到咁嘅上司」。  朋友在小型廣告創作及傳意公司做marketing and communic

【樓市贏家】個市冧未?小心地產版標題黨
馬斯克頭痛!月球旅行計畫延後 車子還被退訂
高通推 Snapdragon 850 處理器 專為Always Connected PC而設

職場世界,唔一定適者生存,但好大機會色者生存。可能大家都唔肯承認、但必須承認的一件事係:靚仔靚女見客有着數。然而,時至今日有樣已經唔夠,小編有朋友竟然被上司落「柯打」,一定要短裙見客,朋友嚇到話:「第一次遇到咁嘅上司」。 

朋友在小型廣告創作及傳意公司做marketing and communications 的工作,新入職已經要成日見客,所以有晒心理準備嘅佢,一早添置咗好多行政人員look,有裙亦有褲,點睇都斯文得體,但肯肯定係條裙點睇都唔係好短果隻。 

之但係返咗三個月工之後,女上司有一日竟然行去佢位,同佢講:「記得聽日見客。着短裙呀。」朋友當場回咗句:「咩話?」女上司之後苦口婆心同佢解釋:「做嘢勤力係好,但想做嘢順利啲,要識得搵一些方法。你望吓我每日點着衫就知。」 

朋友總結佢女上司每日衣着,大體歸納出以下特色: 

1)上衣同下身衣着都剪裁得非常貼身,沒有一絲唞氣空間。 

2)白恤衫一定唔扣頸對下頭兩粒鈕。 

3)上衣件件有唔同款式的Deep V 

4)日日高踭鞋。 

5)不論夏天冬天,一定穿短裙或短褲,最多天氣凍會加件大褸。 

而現實係呢位女上司已經40幾歲,雖然夠高但都肥肥哋,唯一優點係自信爆棚,其他同事背後討論佢衣着嗰陣,佢會以為其他人留意佢。 

點都好,小編朋友最後都屈服咗,特登買入幾條較短的裙見客,上司見到仲讚咗佢一句:「咁咪幾正」。

廣告

COMMENTS