【熱話】老闆/同事食煙,所以想轉工?

轉工的原因無奇不有,最近網上熱論嘅係有打工仔因為得知自己老闆係煙剷,所以想辭職唔撈,引起一班同道中人和議。

呢位打工仔講到明自己身體一般,年半前因為大病一場,所以辭過職,一直睇醫生兼養休,最近見病情穩定先再搵工。

點知,返新工一星期,先發現大老闆係煙剷,又因為佢個位喺大老闆房門外,一返嚟就會返入房食足兩三個鐘煙,房門一開啲二手煙就攻晒出來,避都冇得避。

呢幾日呢位打工仔發覺自己咳多咗,痰多咗,仲有喉痛……有時收工會有啲頭暈頭痛,懷疑同二手煙有關。於是上討論區請教大家辭唔辭職好。

竟然唔少打工仔都勸佢轉工,有人話自己以前都試過同煙剷老闆打工,雖然老闆好守規矩,每次食煙都去大廈的吸煙區,唔會喺辦公室食,但老闆因為全身都係煙味,就算同佢保持距離都一樣聞到,結果同佢打工嗰年,就病足幾次,認為九成係被二手煙影響。

亦有網民獻計,叫呢位打工仔日日戴口罩,又或者調位已經可以解決問題,唔使辭職。

當然有人鬧爆呢位打工仔講嘢冇根據,自己身體唔好就賴老闆。

如果你同事或上司係煙剷,又會唔會真係好影響呢?

來源︰香討

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s