今期內地遊客必搶香港手信 Tempo上榜

近日川貝枇杷膏熱炒,變成香港手信。除咗佢,香港手信仲有其他你估唔到嘅產品,包括Tempo紙巾。

 

全靠內地遊客瘋搶,小編先知香港係有手信。

唔係話啲產品唔好用,而係大家都好估唔到,

呢啲我哋習慣日常生活見到嘅物品,

原來喺遊客眼中,係嚟香港必買。

 

珍妮曲奇呀,益力多呀,金莎呀,呢啲都搶到大家見慣哂。

今次小編同大家介紹「今期流行」,

一齊數數榜!

 

第一位:京都念慈菴川貝枇杷膏

當然就係枇杷膏啦!由50蚊貨炒到上500幾蚊,全因美國爆發流感,而枇杷膏被棒成「神藥」,

話可以迅速治病,搞到枇杷膏爆紅,成為今期NO. 1搶手貨。

成為香港熱搶手信,咁京都念慈菴又代唔代表到香港呢?京都念慈菴拎過香港十大品牌,亦係全港第一個榮獲香港工業優質產品標誌局所頒發優質標誌嘅港製中藥,當然有資格!

第二位:Tempo紙巾


Tempo都要掃?無錯!實在令人o嘴!(利申:小編係非常喜歡用Tempo的)小編只係唔明白,紙巾咁普通有乜好掃?原來係因為Tempo堅韌柔軟,跑贏好多其他牌子,所以遊客都好想買返屋企用。

其實Tempo並不是香港牌子,而係德國品牌,1929年創立,到1980年代打入香港,至今香港仍係亞洲最大市場,而且Tempo啲傳宣廣告夠貼近港人生活,令到成個品牌都好似與香港同化,整個本地市場策略都好成功,唔講仲以為佢係香港品牌㖭呀!

第三位: 和興白花油

白花油被稱為「萬能油」,除咗我哋家家戶戶都有樽旁身,好多遊客都鍾意買。唔只內地客,日本網民都喜愛白花油,日本雜誌《an.an》仲選過佢做必買香港手信。

 

呢3樣手信,都係全靠外國傳媒喺當地煲起,

大家又覺得,平時我哋去日本買嘅手信,

會唔會喺日本人眼中都只係日常物品?

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s