廣告

男星愈變愈靚 細數圈中8位變形金剛

扮靚唔係女人嘅專利,唔少男星入行後都愈變愈靚,等小編依家為大家送上男版嘅《八大變形金剛》,睇吓有邊啲男星識得好似柯柏文咁變變變! 男星大變身沈震軒 戒水戒油 型男沈震軒出道時寂寂無名,後來被Paco睇中,之後一直平步青雲,仲愈來愈型仔!相比初出道時,沈震軒眼皮變深,放電冇難度之餘,連至hi

楊冪被扯假髮嚇傻 網友:髮際線都到頭頂了
罕有派福利!翁嘉穗遊越南大晒事業綫
蔣雅文:來台創業10年 台灣讓我很幸福

扮靚唔係女人嘅專利,唔少男星入行後都愈變愈靚,等小編依家為大家送上男版嘅《八大變形金剛》,睇吓有邊啲男星識得好似柯柏文咁變變變!

男星大變身沈震軒 戒水戒油

型男沈震軒出道時寂寂無名,後來被Paco睇中,之後一直平步青雲,仲愈來愈型仔!相比初出道時,沈震軒眼皮變深,放電冇難度之餘,連至hit臥蠶都有埋。而鼻樑亦變得又高又窄,同塊V面襯到不得了,比多年前出道時更似古天樂。對此沈震軒就話︰「我其實天生係雙眼皮,不過係內雙眼皮所以唔明顯,依家都係多用膠紙加深效果。」至於面形上嘅改變,佢就話︰「以前拍劇時成日食宵夜,食飽就瞓,所以面容腫脹。不過依家臨瞓前兩個鐘戒油戒水戒鹹,將從小嘅習慣改變咗。」

男星
沈震軒比多年前出道時更似古天樂。

羅仲謙 襯晒楊怡

謙謙初出道時輪廓已算突出,不過隨着人氣一直升,五官都愈來愈靚喎!首先天生嘅pizza面唔見咗,變成瘦削V臉。鼻翼由闊變窄,鼻樑顯得更堅挺,同老婆楊怡個鬼婆鼻好匹配。加上依家成對眼勁有神,望耐一陣都俾佢電親!謙謙就話︰「我入行都已經有一段日子,樣唔同咗都係好平常嘅事。」不過佢就重申唔介意人哋整容,因為只係一種愛美嘅表現。

男星
羅仲謙鼻翼由闊變窄,鼻樑顯得更堅挺,同老婆楊怡個鬼婆鼻好匹配。

胡鴻鈞 跑步瘦面

歌手胡鴻鈞2010年於《超級巨聲2》奪得亞軍入行,向來賣歌喉唔賣樣嘅佢歌藝有冇進步就唔知,不過個樣就肯定唔同晒!由2010年嘅1.0方形面,進化到今時今日嘅V煞面6.0,被網民戲稱「削骨還父」,同哪吒一樣咁孝順!其實對於削面傳聞,佢曾經話︰「其實係跑步嘅成果,運動同節食雙管齊下,所以形象有所改變」。佢仲強調屋企人管得好嚴,根本唔可能整,否則會「畀阿媽斬死」。胡鴻鈞曾經喺星星負皮卷再次否認整形,佢強調話︰「我都好想認,但因為冇做過,真係有嘅就唔怕同大家講。」之後仲自嘲已經進化到7.0!

男星
胡鴻鈞話佢塊面係靠運動同節食雙管齊下,先有咁嘅成果。
男星
由2010年至今胡鴻鈞面容多次變化,佢自嘲已經進化到7.0版本!

鄭嘉穎 神奇刀削面

年輕時嘅鄭嘉穎包包面,甚具福相。不過自從喺台灣返嚟香港後就神奇地發展為「刀削面」,下巴尖一尖,而面部肌膚無鬆弛之餘仲愈來愈緊緻。對此嘉穎話自己後生嘅時候baby fat未除,仲出動證人︰「好在有同年出道嘅馬浚偉做證人,我嗰時喺台灣有錢都用晒去食飯同交租。」證明佢真係冇執過。咁即係嘉穎自己回春有術啦,難怪至索港姐陳凱琳都畀佢迷倒!

男星
鄭嘉穎出動同年出道嘅馬浚偉做證人,力證佢喺台灣真係冇執過。

黃曉明 原來是美男

如果睇番海綿大哥以前啲相,佢嘅相貌可以話係十分平凡。眼細細,鼻子圓圓扁平,唔覺有咩星味。不過同唔少男星一樣,黃曉明嘅樣貌都係隨住人氣上升而改變。依家嘅佢眼睛大咗精靈咗,下巴尖晒,再加埋筆挺嘅鼻樑,簡直係男神嘅模範!最勁係連女神Angelababy都嫁埋畀佢,真係冇得輸!對於樣貌上嘅改變,黃曉明就話聽到好難過︰「因為大家都只喜歡八卦新聞而非事實。」佢透露自己有段時間激減磅︰「我曾經重155斤,现在只有130斤左右。」,所以成個人都唔同咗,一切都是「減肥惹的禍」。

男星
黃曉明話自己曾經激減25公斤,以致外形改變。

男星

劉愷威 十三年前後

雖然有個星級爸爸劉丹,不過劉愷威喺香港嘅演藝事業並唔順利,多年來喺TVB都係演閒角居多。於是佢05年轉戰內地,今日已經喺內地紅透半邊天,躋身一線小生行列,仲娶埋個索老婆楊冪。不過唔少觀眾就話冇見一排幾乎唔認得劉愷威,因為依家嘅佢雙眼變得炯炯有神,鼻變得挺拔有型,由當年帶點呆嘅薯樣進化成男神。雖然近年大家都對佢嘅外貌議論紛紛,但劉愷威都只係話︰「總之沒加過東西,也沒拿走過東西,沒開過刀,就是這樣。」既無承認亦無否認,一切交由大家自行判斷。

男星
劉愷威自05年轉戰內地,如今已躋身一線小生行列。

羅志祥 無敵黐膠紙

有亞洲舞王之稱嘅「小豬」羅志祥,出道時係單眼皮,不過近年雙眼皮愈見明顯,依家嘅佢簡直係擁有一對迷人電眼,仲有下巴都尖咗唔少。小豬就話︰「我都是用貼的」原來係用咗雙眼皮膠紙嘅效果,呢幾年來係咁黐係咁黐,久而久之都變成雙眼皮。佢成日話自己工作太忙,邊有時間整,仲曾經表示話︰「我不想跨出那一步(指整容),做了便不能笑別人。」所以真係唔可以睇少雙眼皮膠紙嘅威力!

男星
「小豬」羅志祥話自己一對電眼都係靠雙眼皮膠紙黐出嚟。

汪東城 翻版炎亞綸

台灣男藝人汪東城以組合「飛輪海」成員身份出道,初出道時嘅佢面形腫脹,不過依家下巴尖一尖,成塊面縮細咗咁。大細眼變電眼,扁平鼻子變得愈來愈高,愈來愈似以前嘅炎亞綸……點解係以前?因為依家嘅炎亞綸都已經去到另一個層次,直頭係韓國人一樣。大東就話︰「以前有水腫和baby fat,不過之後勤於健身,所以不單身材變fit,五官都變得立體。」就連佢所屬公司都曾經話大東只係受惠於現時精進嘅化妝技術,所以比以前上鏡。明白晒!

男星
汪東城指自己勤於健身,加上現代精進嘅化妝技術,令五官都變立體
廣告

COMMENTS