廣告

【熱話】求職人開名鬧爆HR 慘被圍攻

其實小編有時都幾同情啲HR,因為呢個世界有太多腦荀都未生埋嘅求職者,以下呢位在網上討論區開post鬧爆某知名電器品牌的求職者,正是其中一位。  話說呢位樓主自稱唔靚女,亦唔係醜,假假地都大學畢業生,做過大小公司,但從未試過遇過咁差的面試經驗。佢話in佢的HR叫 Eva Chan,形容對方一入到房,

般若波羅蜜多心經︱伯威專欄
女乞丐路邊暴斃 一查發現存款竟有860萬
擔心癌父病情 袁偉豪壓力爆煲狂甩頭髮

其實小編有時都幾同情啲HR,因為呢個世界有太多腦荀都未生埋嘅求職者,以下呢位在網上討論區開post鬧爆某知名電器品牌的求職者,正是其中一位。 

話說呢位樓主自稱唔靚女,亦唔係醜,假假地都大學畢業生,做過大小公司,但從未試過遇過咁差的面試經驗。佢話in佢的HR Eva Chan,形容對方一入到房,隻眼由頭掃落佢隻腳,HR眼神完全睇佢唔起,佢又形容呢位HR個樣都唔係生得特別好,著條爛牛仔褲,全程面試都擺晒款,「有佢問冇我問,有啲位直頭係唔比我問,態度全程惡劣」。 

佢仲話有啲問題要用英文作答,但HR啲英文好老實講仲”local” 及難聽,仲不停用英文challenge佢。面試尾聲,樓主最後問「請問個position仲有幾多個applicants見緊?」。

HR:「呢方面你唔需要知。」

樓主忍唔住講:「Eva, 我特登請左一日假花左好多時候準備個interview, 你其實可以對我nice啲。」

HR:「我哋呢間公司係咁。」

然後手都唔握就叫樓主走。 

成個過程激到樓主生蝦咁跳,之但係精明的網民並冇同情佢,因為佢基本上犯晒求職者大忌。 

1.面試唔望幾時望:佢話對方一入到房,隻眼由頭掃落佢隻腳,HR眼神完全睇佢唔起。如果見工唔俾人望,不如返屋企早啲唞。 

2.見工答問題好正常:求職者答問題係最正常最make sense的事,如果覺得「有佢問冇我問」係有問題的話,呢位求職者真係好大問題。

3.英文“local“咁又點:HR英文再local(其實冇人用local嚟形容英文水平……),再「叉能廚」你,你都係要答,因為你個身分叫求職者。

4.問低能問題:HR唔俾你問問題,你就嘈到拆天,好啦,俾你問問題喇,你又問低能問題。「請問個position仲有幾多個applicants見緊?」真係關你x事咩!小編撐HR喇。 

5.發低能脾氣:話自己特登請一日假花左好多時候準備個interview,要求HR對自己nice啲。對唔住,小編唔爭氣咁笑咗。下次可以唔使請假喇,俾啲心機做好依家呢份工啦。 

6.鬧人唔握手?吓?見工都要握手?你估傾生意咩? 

所以話,大聲唔係大晒㗎!開名都唔代表你啱,請各位求職者引以為誡。

來源:香討

廣告

COMMENTS