廣告

【換煲唔換藥】無綫劇集綜藝節目繼續炒冷飯

  《走過浮華大地Camping篇》 喺13年,黃翠如洪永城為《走過浮華大地》歐洲及亞洲篇擔任主持,唔少觀眾都好鍾意佢哋做旅遊節目。不過喺14年拍完《走過足球聖地》後,佢哋就向劇集方面發展。相隔4年再度合作,拍攝《走過浮華大地Campi

周澄已為人妻 吳文遠新戀情曝光
下畫5點開賣!單程飛東京$288起,來回連稅$1,046起,7月13日前出發 – 香草航空(優惠至4月16日)
只有一間房的島 包下整座島享受私密假期
image

 

《走過浮華大地Camping篇》

image

喺13年,黃翠如洪永城為《走過浮華大地》歐洲及亞洲篇擔任主持,唔少觀眾都好鍾意佢哋做旅遊節目。不過喺14年拍完《走過足球聖地》後,佢哋就向劇集方面發展。相隔4年再度合作,拍攝《走過浮華大地Camping篇》。

《食好D 食平D》

image

由肥媽同陸浩明(六號)主持嘅「食平D」系列嚟到第七輯《食好D 食平D》,肥媽今次唔再教大家煮平嘢,會教大家以基本價錢炮製出名貴菜式。

《美女廚房2》
最新一輯《美女廚房》將會由林盛斌、蕭正楠同張振朗主持,同上輯一樣都係請啲女藝人上節目表演「廚藝」。消息傳出後,網民已經唔太滿意主持陣容,更擔心三位新主持唔夠方力申、鄭中基同梁漢文好笑,對新主持絕對係一大挑戰。

《阿爺廚房2018》
李家鼎(鼎爺)再次向觀眾施展廚藝,聯同譚玉瑛(阿譚)去街市選購心水食材,炮製各式各樣的湯水、小菜及甜品。

《嫁到這世界邊端2》
上一輯陳貝兒介紹咗幾位香港女仔嫁去外國嘅故事,俾觀眾深入了解人妻喺外地生活。今輯一樣會睇下外地同香港有咩文化差異,人妻又如何適應。佢仲透露嚟緊會去以色列及法羅群島拍攝。

《Ben Sir 睇樓團2》
歐陽偉豪(Ben Sir)帶埋麥美恩及林穎彤等再拍睇樓節目,帶大家睇香港、台灣及東京等地嘅平樓。今輯除咗睇樓之外,亦會帶大家深入當地嘅文化。

《公公又出埠》
由四位「公公」黎耀祥、曹永廉、蕭正楠、黃浩然拍攝嘅《公公出埠》,幾個笑下互窒下真情流露。第二輯佢地將會去瑞士拍攝。

《北海道攻略》&《昇龍道攻略》
又係杜如風主持日本節目,今次唔係東京、大阪,而係北海道同比較少人介紹嘅昇龍道。

《街市遊樂團-海外篇》
麥長青、滕麗名同江美儀會帶大家衝出香港,去到馬來西亞及新加坡見識人地嘅街市、水上市場及農市場等等。

《流行經典50年》

image

第二輯由黎小田、薛家燕、陳敏之及胡諾言做主持,另外仲加埋古巨基做嘉賓主持。節目邀請原唱人或歌手上節目演繹經典作品。

劇集:
《宮心計2深宮計》

image

梅小青監製就話新劇係《宮心計》嘅加強版,仲會加入查案元素。演員方面就有馬浚偉、劉心悠、胡定欣、周秀娜、馬國明、蕭正楠等演員演出,繼續喺宮內鬥個你死我活。劇集將會喺5月21日兩地同步出街。

《再創世紀》

image

無綫投資巨額拍攝重頭劇《再創世紀》,由郭晉安、周麗淇、鍾嘉欣、袁偉豪及周柏豪等演員出演。劇集已經完成拍攝,早前遠赴布拉格、溫哥華等地實景拍攝。劇集主要講述近10年香港嘅金融經濟發展。

《法證先鋒IV》
《法證先鋒》系列係無綫經典之作,第四輯就現正籌備中。觀眾就希望可以原班人馬拍攝,不過梅小青就話想收集民意,暫時保持神秘感先。

《衝上雲霄2020》
2003年《衝上雲霄》成為港大市民的集體回憶, 2013年再推出《衝上雲霄II》仍然吸引好多觀眾。今次無綫會同騰訊開拍新版本,製作費仲高達2億人民幣。有指無綫有意邀請迪麗熱巴﹑楊冪﹑黃子韜﹑陳偉霆及Angelababy等人參與拍攝。唔少網民亦希望靈魂人物吳鎮宇可以繼續飾演「Sam哥」。劇集預計喺18年底開始拍攝。

《使徒行者3》
有傳第三部由馬國明、陳展鵬、朱千雪、苗僑偉、許紹雄、陳煒、關禮傑等人主演,繼續尋找臥底與黑警。

電視微電影:
《愛情沒有來的時候》同《愛情來的時候》一樣,會搵歌手及藝人參與演出,今次就有洪永城、林師傑會去台南實景拍攝嘅愛情音樂微電影,以愛情故事包裝旅遊節目。

廣告

COMMENTS